Prej 25 vitesh, në qendër të punës sonë qëndrojnë bukuria dhe mirëqenia e lëkurës së ndjeshme. Në pararojë të kërkimit dermatologjik zviceran, ne zhvillojmë formula të standardit mjekësor dhe me efektshmëri të lartë, të cilat japin rezultate të dukshme dhe tolerohen shumë mirë nga lëkura.
Ne e dimë se ndjeshmëria e lëkurës mund të shtohet nga alergjitë dhe irritimet e shkaktuara prej ndotjes së mjedisit, përdorimit të gjerë të lëndëve kimike, rrezatimit ultravjollcë dhe ritmit të ngarkuar të jetesës.
Produktet tona pasqyrojnë parimet dhe vlerat tona themelore: kujdesi luksoz për lëkurën duhet të jetë i pastër dhe njëkohësisht të japë rezultate të dukshme. Çdo produkt krijohet për t’iu përgjigjur nevojave të veçanta të çdo lëkure, kudo në botë.
Kujdesi për lëkurën është në ADN-në tonë
Skincode u themelua në Zyrih në vitin 1998 nga familja fisnike Massalsky. Trashëgimia e markës lidhet me kërkimet pioniere zvicerane në fushën e kujdesit për lëkurën me standard mjekësor dhe terapive qelizore kundër plakjes. Edhe sot, të gjitha produktet tona zhvillohen në Zvicër.
Që në fillim, ekipi i Skincode ka bashkëpunuar me dermatologë të njohur zviceranë, specialistë të përbërësve dhe laboratorë me përvojë, për të sjellë në produktet tona arritjet më të fundit të shkencës dhe kërkimit dermatologjik.
Nga ky bashkëpunim lindën tri koleksione novatore: Skincode Essentials, Skincode Exclusive dhe Skincode Prestige, të krijuara për t’iu përgjigjur nevojave të ndryshme të lëkurës dhe parapëlqimeve personale.
PRODUKTET TONA
Formula me përbërës aktivë të sigurt, efikasë dhe me origjinë etike.
Produktet Skincode janë krijuar për të dhënë rezultate sa më të mira, duke ulur në minimum rrezikun e ndjeshmërisë dhe irritimit.
Formulat tona përjashtojnë një listë të gjerë përbërësish të padëshiruar. Ato përmbajnë përbërës aktivë të sigurt, të efektshëm dhe të përzgjedhur me kujdes, si edhe teknologji të përparuara për mbrojtjen dhe ruajtjen e formulës. Kështu, çdo produkt përmbush standardet më të larta të sigurisë dhe efektshmërisë.
Garancia “Made in Switzerland” e Skincode pasqyron përkushtimin tonë ndaj standardeve më të larta të sigurisë, cilësisë dhe përpikërisë.
Bashkëpunojmë vetëm me laboratorë të njohur zviceranë, të cilët janë në pararojë të kërkimit dhe teknologjisë dermatologjike. Kështu krijojmë produkte që japin rezultate dhe mishërojnë cilësinë dhe risinë zvicerane.
Në Skincode, çdo formulë krijohet me kujdes për të ofruar përbërës aktivë shumë të efektshëm, duke shmangur përbërësit e panevojshëm ose ata që mund të shkaktojnë irritim. Përkushtimi ynë siguron kujdes të sigurt, të efektshëm dhe të përshtatshëm për çdo lëkurë.
Gjithçka që i nevojitet lëkurës suaj — dhe asgjë e panevojshme
- Pa parabene
- 100% vegane dhe të patestuara te kafshët
- Sistem i përparuar ruajtjeje, për siguri dhe efektshmëri
Edhe për paketimet ndjekim të njëjtën qasje si për formulat tona, duke vënë në plan të parë sigurinë dhe transparencën.
Nga përzgjedhja e përbërësve prej burimeve të përgjegjshme deri te përdorimi i materialeve me ndikim më të ulët në mjedis, po e çojmë më tej angazhimin tonë për një kujdes më të pastër dhe më të përgjegjshëm. Po pakësojmë përdorimin e panevojshëm të plastikës dhe synojmë që paketimet e të gjitha produkteve tona të jenë 100% të riciklueshme.
Të njëjtat formula që njihni dhe doni, tani me një pamje të re dhe paketim më të qëndrueshëm.
Që në fillimet tona, ekipi i Skincode ka bashkëpunuar me dermatologë të njohur zviceranë, specialistë të përbërësve dhe laboratorë me përvojë, për të sjellë në produktet tona arritjet më të fundit të shkencës dhe kërkimit dermatologjik.
Sa herë që është e mundur, Skincode përdor përbërës që tërheqin dhe mbajnë lagështinë, si glicerina, glikolet dhe poliakrilati i natriumit. Duke pakësuar aktivitetin e ujit pra sasinë e ujit të lirë në një produkt kozmetik, këta përbërës pengojnë zhvillimin e mikroorganizmave dhe mbrojnë formulën nga ndotja mikrobike.
Konservuesit shtohen vetëm kur janë të domosdoshëm dhe në sasinë e nevojshme. Përzgjedhja e tyre bëhet duke marrë parasysh llojin e produktit, qëllimin dhe zonën e përdorimit, nevojat e konsumatorit, paketimin, përmbajtjen e ujit dhe ndërveprimin me përbërësit e tjerë.
Kur përdorimi i konservuesve është i nevojshëm për të ruajtur qëndrueshmërinë e formulës, Skincode përdor përqendrimin më të ulët që siguron efektshmërinë e duhur. Kështu, produktet mbeten të sigurta dhe të mbrojtura nga ndotja gjatë gjithë përdorimit.
Koleksionet
ESSENTIALS
Nga pastrimi dhe hidratimi deri te trajtimi i nevojave të veçanta, ky koleksion ofron zgjidhje të plota për çdo lloj lëkure. Formulat dermokozmetike janë krijuar për kujdesin e përditshëm edhe të lëkurës më të ndjeshme. Të gjitha produktet përmbajnë një ndërthurje të përzgjedhur përbërësish bioteknologjikë, përfshirë një përqindje të lartë të CM-Glucan.
EXCLUSIVE
Trajtime të përqendruara me përbërës aktivë të fuqishëm dhe tekstura të pasura. Çdo produkt ndërthur përbërësit më novatorë me arritjet më të fundit të kërkimit dermatologjik. Në zemër të formulave qëndron kompleksi Active Cellular Regenerating (ACR), me efekt të provuar klinikisht në zbutjen e shenjave të plakjes në nivel qelizor.
PRESTIGE
Një qasje e plotë 360° që ndihmon në parandalimin dhe zbutjen e dukshme të shenjave të plakjes. Çdo produkt krijohet me kujdes në një laborator të njohur zviceran, duke u mbështetur në kërkimet më të fundit dhe teknologjitë më të përparuara.